Lumturi-ren zuzendaria

eta Arabatxo-ren presidentea

Zuzendaritza Koralean lizentziatua Euskal Herriko Goi Maila Musika Kontserbatorioan – Musikenen – Gabriel Baltés irakaslearen ikuskapenarekin baita Lengoaiaren Pedagogian eta Musika Hezkuntza.

Gasteizen jaio zen, 1983an. Piano eta kantu ikasketak burutu ditu. Halaber, Udaberria Musika Eskolako abesbatzetan abeslari eta pianista-laguntzaile gisa aritu da.

Irakaskuntzan esperientzia zabala du. 2001.urtetik aurrera Udaberria Eskolaniaren zuzendaritza lanak eta piano eta musika-lengoaia irakaslearenak aldi berean aurrera eramaten ditu. Urte batzuk beranduago, Gazte eta Helduen abesbatzak sortu zituen. Horrez gain, hainbat aldietan Burgoseko Abesbatza Federazioko ahots-teknikako irakaslea eta Gipuzkoako Haur Abesbatzen topaketaren zuzendari gonbidatua izan da. 2011ko urtarrilean Canta Cantorum koralaren eta 2012an Nurat Gazte Abesbatza, Oskarbi Abesbatza eta Arabako koru Sinfonikoaren zuzendaritzak hartzen ditu beregain. 2013an Lumturi Haur abesbatza sortzen du eta 2014an Samaniego Abesbatzako zuzendaritza hartzen du.

Kantari moduan, Gasteizko Udaberria Eskolanian ikasi du, Alaitz eta Psallite Gazte Abesbatzetatik ere pasatuz. Baita, Vocalia Taldean (Basilio Astúlezek zuzendua) eta Kup Taldean (Gabril Baltés buruan dela) aritu da. Zuzendari heziketari dagokionez, Basilio Astúlez, J. Duijck, V. Negreiros, M. Oca edo A. Añuak, besteak beste, irakasle izan dituen Euskal Herriko Abesbatza Federazioak antolatutako kurtsoetan parte hartu du.

  • E-mail hau spam roboten kontra babestuta dago. JavaScript aktibatuta izatea behar duzu hau ikusteko.